E diel, 28 Nëntor, 2021
13.5 C
Tirana

Debati për bonusin e pensionistëve/PD: Me 50 mijë, nuk blejnë dot një gjel deti

Bonusi i pensionistëve për Vitin e Ri është kthyer në “mollë sherri” mes përfaqësuesve të mazhorancës dhe atyre të opozitës, në mbledhjen e Komisionit të Ekonomisë. Gjatë mbledhjes nuk kanë munguar debatet mes palëve, pasi Ministrja e Ekonomisë dhe Financës, Delina Ibrahimaj, tha se në projektbuxhetin e vitit të ardhshëm, shpërblimi i pensionistëve prej 5 mijë lekësh të reja do të jetë pjesë e buxhetit të shtetit dhe jo pjesë e fondit të rezervës, duke e bërë atë të mos jetë me pikëpyetje nëse do të jepet apo jo.

Marrë shkas nga deklarata e ministres, deputeti demokrat Arbi Agalliu, e cilësoi shpërblimin qesharak, pasi me 5 mijë lekë të reja nuk mund të blihet as një gjel deti. Për rrjedhojë, ai kërkoi që të ulen shpenzimet për zyrat e administratës shtetërore, dhe të alokohen fondet për pensionistët. E ndërsa ish-zëvendëskryeministri Erion Braçe theksoi se edhe me 100 mijë lekë të vjetra të bëhet shpërblimi, përsëri gjysmë kofshe i bie.

Pjesë nga debati

Arbi Agalliu:  Pyetjen ose unë ndoshta nuk e dëgjove, ose për shkak të pyetjeve të shumta që morët nuk i dhatë përgjigje. Doja ta përsëritja dhe njëherë pyetjen mbi shpenzimet e luksit 51.2 milionë euro që qeveria do të bëjë për blerje automjetesh, pajisje zyrash, kompjuterash, si dhe rikonstruktim dhe ndërtim objektesh, në raport me atë që ju e quani bonusi i pensionistëve dhe që ju e keni futur në buxhet. Për mua është një bonus qesharak, pasi me 5 mijë lekë të reja as një gjel deti nuk mund të blihet nga një pensionistë.

Erion Braçe: Po të japësh 10 mijë lekë; gjysmë kofshe i bie. 10 mijë lekë e bëjmë, po gjysmë kofshe i bie.

Arbi Agalliu: Unë patjetër që mund të japë përgjigje për çfarë ka dhënë Partia Demokratike më përpara, edhe pse nuk kam qenë këtu. Ju prandaj e morët mandatin e tretë, jo për të dhënë një gjel por për të dhënë më tepër se gjeli. Pyetja ime ishte se a shikon ministrja hapësirë nga nevoja reale e pensionistëve, por edhe nga ana morale, që një pjesë e shpenzimeve prej 51.2 milionë euro të alokohen te pensionistët.

Delina Ibrahimaj: Ne po përgatisim një listë të detajuar të atyre që ju i quani shpenzime luksi, që në fakt nuk janë shpenzime luksi. Ato janë kompjutera të amortizuara që ndikojnë në përditshmërinë e punës së administratës. Ne po investojmë gjithashtu në sisteme. Po nxjerrim listën dhe hajde të diskutojmë nëse janë shpenzime luksi.

Për sa i përket pjesës së rritjes së pensioneve, ndjeshmëria për këtë kategori është shumë e lartë dhe prandaj bonusin, ne nuk e kemi pikëpyetje te fondet e rezervës dhe e kemi te buxheti i shtetit. Dhe nuk do të ketë më pikëpyetje nëse do të merret bonusi i pensionistëve këtë vit apo jo, pasi do të jetë një zë buxhetor i veçantë.

- Reklama -

Më shumë nga kategoria




Të fundit

Masakrimi i masakrës

Nga: Luçiano Boçi  Kur ndodh një krim, gjëja kryesore që bëjnë autorët është djegia e mjeteve me të cilat kryhet krimi. Pra asgjësohet vetë krimi....

I ndaloi keçapin lojtarëve, kompania nuk ia përton Antonio Kontes

Emërimi i Antonio Kontes në krye të Totenhemit, solli ndryshime në klub. Tekniku i dha një vemendje të veçantë ushqimeve që konsumonin lojtarët, të...

FORMULA 1/ Presidenti ‘tradhton’ Shumakerin: S’është më i miri i historisë

Presidenti i FIA-s i ka befasuar të gjithë, duke mos e kurorëzuar si më të mirin ish-pilotin e tij në kohën e Ferrarit. Zhan...

Skandali me pagesat e UEFA-s, FSHF publikon “provat” e gabuara

Federata Shqiptare e Futbollit ka dalë sot me një tjetër qëndrim zyrtar rreth çështjes së skandalit të shpërndarjes së fondeve të UEFA-s, në mënyrë...

Kreu zbulime që e revolucionarizuan shkencën: Kush ishte Galileo Galilei

Në cilësinë e ”babait” themelues në fushën e fizikës dhe astronomisë, Galileo Galilei është i njohur për kontribute të panumërta në shkencë. Mendimtari italian,...