E enjte, 2 Dhjetor, 2021
13.5 C
Tirana

Aktori i telenovelave turke dënohet me 16 vite e 8 muaj burg

Gjykata e Stambollit ka dënuar me 16 vite e 8 muaj burg aktorin e njohur të telenovelave Adnan Koç. Ai u arrestua në vitin 2018 në qytetin Atasehir gjatë një operacioni anti-drogë, ku ai bashkë me vëllain dhe disa të tjerë plagosën disa policë.

Aktori i njohur u dënua me 16 vite e 8 muaj burg nga gjykata, për rastin e 6 të pandehurve, mes tyre edhe vëllai i tij, të cilët dyshohet se kanë plagosur 6 punonjës policie në sherrin që shpërtheu gjatë procesit të ndalimit për drogën, operacion në Atasehir.

Duke shqyrtuar dosjen pas kundërshtimeve, Gjykata Rajonale e Drejtësisë së Stambollit vendosi që të pandehurit të gjykohen dhe të dënohen për veprën penale të “vrasjes së mbetur në tentativë”, dhe ia ktheu dosjen gjykatës lokale.

U konstatua se narko shpërndarësi Sinan Bozburun, i ndjekur më 15 mars 2018 nga ekipet e Drejtorisë së Degës së Krimeve Narkotike në Stamboll, është takuar me aktorin Adnan Koç para një kafeneje në Atasehir, dhe i ka dhënë një substancë në një qese, e cila konsiderohej si drogë në këmbim të parave.

Dënohet me 16 vjet e 8 muaj burg

Pas aktakuzës së përgatitur nga Kryeprokuroria Publike e Anadollit të Stambollit, në gjyqin e zhvilluar në Gjykatën e 3-të të Krimeve të Lartë të Anadollit, avokati i policisë ankuese, Ayhan Baykal, kërkoi dënimin dhe arrestimin e aktorit Adnan Koç dhe vëllezërve të tij.

Bordi i gjykatës, i cili vendosi çështjen, e dënoi aktorin Adnan Koç me 16 vjet e 8 muaj burg për veprat penale “plagosje me dashje”, “rezistencë për të mos kryer detyrën”, “heqje lirie”, “fyerje e zyrtarit publik kundër 4 punonjësve të policisë”. Aktori i njohur dhe të pandehurit shoqërues, të cilët e çuan vendimin e gjykatës në një gjykatë më të lartë, kërkuan ndryshimin e vendimit, duke u shprehur se nuk ishte i duhuri.

Dhoma e 25-të Penale e Gjykatës Rajonale të Stambollit, e cila vlerësoi kundërshtimin, deklaroi “Lëndim dhe dëmtim të pronës publike”, “Mbajtje ose posedim të armëve të zjarrit pa leje”, “Rezistencë për të mos kryer detyrën tuaj”.

Dhoma Penale e dërgoi sërish dosjen në gjykatën vendore, duke deklaruar se të pandehurit kanë kryer veprën penale “vrasje e mbetur në tentativë”, por gjykata vendore nuk ka vendosur dënim me burg, sipas nenit të krimit. Aktori i njohur do të dalë sërish para gjyqtarit në Gjykatën Penaleve të Stambollit, në ditët në vijim.

Burimi i lajmit: sabah. Përshtatur nga Tirana Today

- Reklama -

Më shumë nga kategoria




Të fundit

24 vende të botës me Omicron, OBSH: Rrezik më i lartë i ri-infektimit

Zyrtarët shëndetësorë thonë se varianti i ri i koronavirusit Omicron tani është bërë dominues në Afrikën e Jugut, dhe po nxit një rritje të...

Greqia konfirmon rastin e parë të Omicron. Gjobë kush nuk vaksinohet

Greqia ka raportuar rastin e parë të variantit të koronavirusit Omicron në ishullin e Kretës, njoftoi sot në mëngjes Ministri grek i Shëndetësisë, Thanos...

Akuzat për “Toyota Yaris”, Balla-Bashës: Kallëzoje penalisht Berishën

Në Kuvend janë rikthyer sërish përplasjet e ashpra ndërmjet mazhorancës dhe opozitës, në lidhje me ndryshimet në ligjin për "Pastrimin e parave". Kreu i...

4 mijë euro për gradën “Nënkomisar”, SPAK del me njoftimin e rëndësishëm

Një kryekomisar, me detyrë Lektor në Fakultetin e Hetimit pranë Akademisë së Sigurisë si dhe një Inspektor në Drejtorinë e Qarkullimit Rrugor të Policisë...

Basha: Institucionet shtetërore me kod omerta të mafies, pranoni Vettingun

Kryedemokrati Basha, nga Kuvendi bëri thirrje që të pranohet kërkesa për Vettingun në politikë. Gjatë fjalës së tij në seancën plenare në Kuvend, Basha...