Pak minuta pas nisjes, ndërpritet mbledhja e Këshillit të Lartë të Prokurorisë.
BalkanWeb raporton se mbledhja është ndërprerë nga kreu i KLP-së, Gent Ibrahimi, për shkak të një debati që kishte lindur mes këtij të fundit dhe Besnik Canit.
Cani pretendon se nuk është njohur me aktet që do diskutoheshin në mbledhje pasi i kanë mbërritur të premten pas orarit zyrtar. Kështu që ai ka kërkuar shtyrjen e mbledhjes me pretendimin se nuk ka pasur kohë të mjaftueshme për t’u njohur me aktet e parashikuara për diskutim.
