Xhani De Biazi, ish-trajneri i kombëtares së Shqipërisë, nuk ka për t’u harruar kurrë për atë që arriti me kuqezinjtë, por mesa duket edhe ai ndjehet shumë krenar që pati mundësinë për këtë aventurë në vendin tonë.
“Tani ndihem shqiptar. Në sytë e atyre djemve kam parë një dëshirë të madhe për të ecur përpara dhe për tu përballur me vështirësitë e jetës. Shumë prej tyre kanë lënë vendin e tyre për të shkuar në Zvicër, Gjermani dhe në vende të tjera për të kërkuar shanset e tyre dhe ia kanë dalë”, u shpreh De Biazi
Në këtë aktivitet pjesëmarrës ishte edhe ambasadori italian në Tiranë, Alberto Cutilo, i cili i dha titullin e lartë De Biazit, “Cavaliere”, dhe e shoqëroi me medaljen “Ordine Dell Stella D’Italia”.
Edhe fjalët ishin mjaft të përzgjedhura nga ambasadori: “De Biasi arriti që para politikës, ta çojë Shqipërinë në Europë.”/BW/
