Ish-deputeti Dashamir Shehi i ftuar në “Arena” nga Dritan Hila, ka thënë se kryeministri Rama dhe ish-kreu i PD, Sali Berisha rrënuan demokracinë, me kodin zgjedhor që miratuan.
Sipas tij, në vend nuk janë bërë më zgjedhje, por thjesht janë zgjedhur kryetarët e partive.
“Basha e ka artikuluar, ka ardhur koha që të ndryshojmë kodin zgjedhor, sepse demokracia buron me zgjedhjet.
Ne, e kemi kuptuar se me këtë kod zgjedhor të deformuar, të bërë në emër të kryetarëve të partisë që ishin, Edi Rama, Berisha, e rrënuan demokracinë shqiptare. Këtu nuk janë bërë më zgjedhje, këtu janë zgjedhur kryetarët e partive. U bënë 10 vjet që qytetarët nuk zgjedhin më, votojnë një listë partie që është e mbyllur, që e merr vesh natën e fundit”, tha Shehi.
Përsa i takon dorëzimit të mandateve, Shehi është shprehur se dalja nga parlamenti është hapi më i madh që është bërë deri më sot.
“Basha pas çadrës e ka kuptuar se nëse nuk bën disa hapa të guximshëm përpara ka shumë pak hapësirë politike. Dhe unë e gjykoj se ka bërë një hap të madh për të ndryshuar sistemin, dalja e tij bashkë me ne nga parlamenti është hapi më i madh, sepse parlamenti është pjesë e sistemit. Duke anatemuar këtë situatë, duke dhënë hapësirë për një rrugë tjetër, ka bërë një hap të madh”, deklaroi ish-deputeti.
