Ka reaguar Ambasada amerikane në Tiranë, vetëm një ditë pas lajmit të Departamentit të Shtetit për ndalimin e hyrjes në SHBA të Tom Doshit dhe familjes së tij.
Me anë të një postimi në rrjetin social “Facebook” , ambasada ka shpërdarë vendimin e DASH ku shkruhet se: Departamenti i Shtetit po njofton publikisht se ka ndaluar deputetin e Kuvendit të Shqipërisë, Tom Doshi për shkak të përfshirjes së tij në korrupsion.
Tom Doshi bëhet zyrtari i dytë pas ish-kryeprokurorit Adriatik Llalla, të cilit i ndalohet hyrja në Shtetet e Bashkuara për shkak të përfshirjes në raste madhore korrupsioni.
Në bazë të ligjeve amerikane, kur Sekretari i Shtetit, ka informacione të besueshme se një zyrtar i huaj është përfshirë në raste madhore korrupsioni, ose shkelje të të drejtave të njeriut, atij dhe familjes së tij të ngushtë i ndalohet hyrja në Amerikë. Sekretari i Shtetit mund t’ia bëjë njoftimin zyrtarit privatisht ose në publik. Në bazë të njoftimit të sotëm, deputeti Doshi, bashkëshortja e tij Xhovana Doshi, vajza e madhe Briana Doshi, djali në moshë madhore James Doshi dhe fëmijët në moshë të mitur. nuk lejohen të hyjnë në Amerikë.
