Presidenti Meta është pyetur sot në konferencën për media, në lidhje me lajmin që bëri ‘bujë’ në muajin korrik, pasi u përfol se Presidenti kishte konsumuar një darkë më kryeministrin Rama në Gjirin e Lalzit. Ai e mohoi këtë gjë, duke thënë se është një lajm krejtësisht i pavërtetë.
Kreu i Shtetit foli edhe për ‘zbutjen’ e toneve me qeverinë, ku u shpreh se ka qenë gjithmonë pro qetësisë dhe dashurisë.
“Dashuria është shumë e mirë për të gjithë. Edhe për politikanët, është gjithashtu shumë e mirë. Përsa i përket darkës, unë nuk kam pasur mundësi të takohem me kryeministrin Edi Rama, dhe ky është një lajm krejtësisht i pavërtetë.
Unë kam qenë gjithmonë pro dashurisë, dhe u kam ofruar gjithmonë mundësi për dialog, por mesa duket ata (maxhoranca) kanë reflektuar kohët e fundit”, tha Meta.
