Ministria e Arsimit, Sportit dhe Rinisë, ka reaguar pas deklaratave të ish-kryeministrit Berisha se tezat e provimit të lirimit ishin shpërndarë një natë më përpara.
Në njoftimin e saj, MASR deklaron se testi i botuar nuk është testi i administruar dhe se kjo është thjesht një shpifje tjetër e opozitës që do të përhapë panik.
“Nënvizojmë se kjo është shpifja e radhës e opozitës jashtë-parlamentare që ka për qëllim të vetëm krijimin e panikut, te cilën e dënojmë fuqishëm”, shkruhet në postimin e MASR.
Në deklaratë shkruhet se MASR i dënon aktet e opozitarëve që politizojnë këto procese dhe thekson se ata që bëjnë këto akuza janë po ata persona që djegin e dëmtojnë shkollat, duke iu referuar kështu ngjarjes në Shkodër ku u dogj shkolla në të cilën ndodheshin materialet zgjedhore.
