Ministri i Brendshëm, Sandër Lleshaj, ka çuditur me deklaratat e tij në sallën e Parlamentit, teksa foli për super-vjedhjen në Rinas.
Në Kuvend ai tha se grabitja e ndodhur të martën në Aeroportin Ndërkombëtar ‘Nënë Tereza’, nuk ka rrëzuar sigurinë kombëtare, por e ka cënuar atë.
“Jep dorëheqjen”, ministri Lleshaj i përgjigjet opozitës: Këtë e vendos unë
“Nuk e pranoj nga askush që është rrëzuar siguria. Megjithatë, në masën e parë serioze u shqetësuan të gjithë pse u vunë Forcat e Armatosura në mbrojtje të aeroportit”, tha ai.
Duke iu përgjigjur akuzave të hedhura rishtazi nga ana e opozitës së bashkuar, Lleshaj tha se sulmi nuk mund të shërbejë si justifikim për sulme ndaj qeverisë. Po kështu, duke iu kundërpërgjigjur zërave për situatë kritike në vend, Lleshaj shtoi se s’ka asgjë për tu alarmuar.
“Nuk ka asgjë për t’u alarmuar, jua them miqësisht. Nuk është turp kombëtar, është incident”.
