Ambasadorja e SHBA-ve në vendin tonë, Yuri Kim ka mbledhur në një takim në Presidencë kryeministrin Edi Rama, kryetarin e PD Lulzim Basha, ministrin e Mbrojtjes Niko Peleshi dhe atë të Brendshëm Bledi Çuçi.
Takimi po zhvillohet në këto momente, ndërsa nuk dihet ende fokusi i bisedimeve mes ambasadores dhe zyrtarëve të lartë të shtetit.
Paraprakisht, raportohet se takimi po zhvillohet lidhur me stërvitjen ushtarake që do të zhvillohet në Ballkan, ku në vendin tonë do të zbarkojnë të paktën 6 mijë trupa
Ndërkohë, ditët e fundit ka pasur një përplasje midis ambasadores Kim dhe kryeminsitrit Rama për listën e kandidatëve për deputetë në zgjedhjet e 25 prillit.
Ambasadorja u bëri thirrje kryetarëve të partive politike që të mos vendosin në lista kandidatë me të shkuar kriminale, teksa kreu i qeverise është përgjigjur duke thënë se partitë nuk mbajnë përgjegjësi.
