Një 43-vjeçar nuk ia doli dot mbanë përballë Covid-19. Nebiu nga Kavaja, i cili nuk kishte asnjë sëmundje shoqëruese, u bë viktima e katërt në vend.
Ai në datën 9 mars kishte udhëtuar nga Italia, dhe pas simptomave të para që kishte shfaqur, kishte kontaktuar menjëherë mjekët. Burimet bëjnë me dije se në këtë datë, ai kishte udhëtuar nga vendi ynë fqinj me të atin.
Fatkeqësisht nëna e tij ndodhet në Itali, duke e bërë të pamundur për ta përcjellë për në banesën e fundit. Familjarët e miqtë e njohin Nebiun si një njeri të qeshur, por fatkeqësisht ai nuk ia doli dot mbanë me koronavirusin. Me kalimin e orëve, bilanci negativ po shtohet edhe më tej.
