SHBA ka ndihmuar sërish Shqipërinë në luftën e saj ndaj COVID-19.
Ambasadorja Yuri Kim përmes një postimi në Twitter bëri me dije se Shtetet e Bashkuara të Amerikës së fundmi kanë dhuruar mbi 2 milion dollarë për Shqipërinë.
Kjo shifër u arrit pas shifrës më të fundit, prej 900 mijë dollarësh, siguruar nga qeveria amerikane për vendin tonë.
Kim njofton se këto fonde janë dhënë për laboratorë, gjurmimin e rasteve dhe ndihmën teknike.
Kujtojmë se SHBA ka ndihmuar Shqipërinë me 700 milion dollarë që prej vitit 2000.
“Do të qëndrojmë gjithmonë krah miqve tanë dhe do të udhëheqim luftën kundër kërcënimeve globale”, shkruan Kim.
US is providing add’l $900K to Albania for #COVID19, bringing total to >$2M for labs, case tracking & technical assistance. This builds on $700M in total assistance since 2000. US will always stand with friends and lead the fight against global threats. https://t.co/hCCmnmFxM4
— Ambassador Yuri Kim (@USAmbAlbania) May 20, 2020
Në përmbledhjen e Departamentit të Shtetit thuhet se në 20 vitet e fundit, nga e gjithë shuma prej gati 700 milionë dollarësh që Shtetet e Bashkuara kanë investuar në Shqipëri, rreth 52 milionë dollarë kanë shkuar për shëndetësinë.
