Nënkryetari i Bashkisë së Tiranës Arbian Mazniku në një lidhje direkte me emisionin “Opinion” komentoi situatën e krijuar nga COVID-19 në vend, teksa theksoi se ne “kemi mundësinë të ringrihemi shpejt”.
“Ne kemi mundësinë të ringrihemi shpejt, jemi mësuar me situata të tilla dhe dimë të ringrihemi. Fakti që bujqësia ka patur rritje të eksporteve dhe do ta vazhdojnë të rriten. Ne e mbyllëm shumë shpejt situatën dhe ka shanse të kemi një verë me pak raste dhe në mos për turizimin global, për turizmin rajonal t’i japim një shpresë qytetarëve”, u shpreh Mazniku.
Në vijim ai deklaroi se Shqipëria ka shansin të kthehet në një destinacion “COVID safe”.
