Ambasadori i BE, Luigi Soreca ka komentuar situatën e shkaktuar nga COVID-19 në vend, teksa theksoi se Fondet për Rindërtimin nuk do të preken.
Soreca konfirmoi se 50 milion eurot për koronavirusin në Shqipëri nuk janë kredi, por grante.
“4 milion euro janë për blerjen e ventilatorëve apo për mjetet personale. 11 milionë euro për mbrojtjen sociale. Ndihmojmë me programin e qeverisë për asistencën.
Pjesa më e madhe për ekonominë dhe biznesin. 35 milionë euro për këtë fushë.
Nuk janë kredi janë grante. BE po solidarizohet me Shqipërinë dhe po merr masa paralele me shtetet anëtare.
Fondet e tërmetit nuk do të preken.Të gjitha milionat e eurove grante nuk do të preken dhe do të jepen të tilla. 50 milion eurot janë tjetër dhe grantet për rindërtimin janë tjetër”, deklaroi Soreca.
