Zyra e Bashkimit Evropian në Kosovë pritet të dhurojë 5 milion euro për të luftuar koronavirusin.
Informacionin e mësipërm e ka konfirmuar Dinka Zhivalj, zëdhënëse për Komunikim në Zyrën e BE-së në Kosovë.
“BE-ja ka qenë gjithmonë pranë njerëzve të Kosovës, në kohë të mira dhe në krizë. Ne jemi duke punuar edhe me organizatat ndërkombëtare për ta ndihmuar Kosovën për t’i ndarë 5 milion euro për ta luftuar shpërthimin e COVID-19”, tha Zhivalj për “koha.net”.
“Qëllimi ynë është të ndihmojmë në mbrojtjen e shëndetit të njerëzve në Kosovë. Ne gjithashtu po kërkojmë mënyra për të ndihmuar edhe ekonominë e Kosovës, në mënyrë që të zbutet kriza”, tha në vijim Zhivalj.
Kujtojmë se BE-ja vazhdimisht ka ndihmuar Kosovën në shumë fusha. Prej vitit 2014-të deri më tani, në një grafikë të detajuar nga BE-ja, shihet se ajo ka ndihmuar Kosovën me 542.91 milion euro në total.
Në Kosovë numri i të prekurve nga koronavirusi ka shkuar në 28.
