Sot është nënshkruar marrëveshja e mbështetjes së BE-së, për të luftuar COVID-19 në Shqipëri. Ceremonia u zhvillua online, dhe të pranishëm ishin ministrja Manastirliu, ambasadori i BE-së, Luigi Soreca si dhe Brian Williams, Koordinator i OSBE-së në Shqipëri.
Luigi Soreca, gjatë një mbledhje online me koordinatorin e OSBE-së në Shqipëri, Brian Willimas, kanë nënshkruar një kontratë, për t’i dhënë një ndihmë Shqipërisë prej 4 milionë euro për luftën me COVID-19.
Soreca ka deklaruar se Bashkimi Europian do të mbështesë Shqipërinë në luftën me COVID-19, dhe përgëzoi qeverinë shqiptare për masat e marra.
“Qeveria e Shqipërisë duhet përgëzuar më masat e shpejta, për gjurminin e rasteve dhe komunikimin me publikun. Përgëzime edhe për ministren Ogerta Manastirliu dhe kryeministrin Edi Rama, si e gjithë pjesës së qeverisë. SHBA ka mbështetur këto masa dhe qëllimi është zbutja e kurbës. BE do ju mbështesë gjithashtu. Komentet e Bashkuara janë të bashkuara për të mbështetur Ministrinë e Shëndetësisë dhe ministren e Mbrojtjes në këtë luftë”, u shpreh Soreca.
Në të njëjtën linjë ka qenë edhe Brian Williams. “BE tregoi solidaritet me Shqipërinë dhe Ballkanin. Qeveria e Shqipërisë duhet të përgëzohet për masat e shpejta të marra. Ju përshëndesim për lidershipin e treguar në këtë kohë kritike. Zbutja e kurbës i jep Shqipërisë kohë që të jetë e përgatitur”.
