Pas shpalljes së dekretit nga ana e qeverisë së kryeministrit Conte, për të vënë në kontroll koronavirusin duke vendosur në “karantinë” provincat në veri të Italisë, banorët janë vënë në alarm.
Ky vendim ka shkaktuar panik tek qytetarët, të cilët e kanë parë për momentin zgjidhjen duke udhëtuar me trena. Mijëra italianë, me çanta në duar, iu janë drejtuar stacioneve të trenave në Milano, përpara se të bllokohej totalisht dalja e tyre nga zona e caktuar në dekret. Njërëzit kanë shpërthyer në urrejtje, duke akuzuar qeverinë për paaftësi në menaxhimin e situatës.
Pamjet e publikuara online tregojnë njerëzit të cilët janë në nxitim për tu larguar nga veriu i Italisë.
Njerëzit akuzojnë për paaftësi qeverinë, pasi pikat kryesore të dekretit u bënë publike në shumë media, përpara se ai të miratohej. Shumë prej tyre, me ironi të thellë shkruajnë se tashmë virusi nuk mund të kontrollohet më, dhe se ai është shpërndarë në të gjithë Italinë.
Nga ana tjetër, linjat ajorore janë duke u kërkuar punonjësve të marrin pushime me pagesa të reduktuara.
Deri më tani, shkurtimet e vendeve të punës në kompaninë ajrore nuk kanë qenë të përhershme. Por disa ndërmarrje kanë ngrirë punësimet.
