Zv/ministrja e Shëndetësisë Mira Rakacolli ka deklaruar publikisht se Shqipëria i është drejtuar me një kërkesë zyrtare qeverisë kineze për mjekë.
“Ministria e Shëndetësisë i ka drejtuar një kërkesë zyrtare qeverisë kineze përmes Ambasadës në Shqipëri”, tha Rakacolli.
Ndërkohë zv/ministrja vijoi t’i përgjigjej interesimit të mediave lidhur me situatën e koronavirusit në Shqipëri.
A është i certifikuar laboratori në QSUT?
Po kryhen të gjitha standardet për ta kryer këtë testim. Është në rrugën e certifikimit dhe në momentin që do të fillojë analizat do të jetë një laborator sipas standardeve.
Sa respiratorë ka Shqipëria?
Mbi 200, duke shfrytëzuar edhe ato në strukturat private. Është porositur një sasi tjetër respiratorësh.
Kush është skenari më i keq?
Është shumë e vështirë të bësh të tilla parashikime, është një gjë e re, që po zhvillohet në mënyra të ndryshme. Po bëjmë skenare për çdo moment edhe për rastin më të keq. Deri tani e kemi nën kontroll.
Informacion shtesë…
Si të parandaloni koronavirusin?
“Duhet të respektoni masat e distancimit social dhe rregullat e higjienës.
Të qëndroni në shtëpi, për të ndihmuar veten, të afërmit tuaj që të mos preken nga COVID-19 dhe stafet mjekësore për të përballuar këtë situatë.
Mos shkoni menjëherë në spital!
Për informacion dhe këshilla në lidhje me COVID-19 mund të kontaktoni në linjën e re 0800 40 40.
Por nëse keni shenja të sëmundjes dhe për rastet e urgjencave duhet të telefononi numrin unik të Urgjencës Kombëtare? 127!”- thuhet në njoftimin e Ministrisë së Shëndetësisë.
