Sokol Cikalleshi vazhdon të jetë në një formë mjaft të mirë dhe deçiziv për ekipin turk ku luan, Osmanlisporin. Sulmuesi shqiptar shënoi në miqësoren përballë Alaniasporit një gol mjaft të bukur që erdhi nga një kundërsulm i shpejtë.
Cikalleshi vazhdon normalisht stërvitjen me ekipin e tij, duke treguar se është duke kaluar një moment të mirë edhe me golin e shënuar, por mendja e tij padyshim është nga merkato. Osmanlispori tashmë do të luajë në Ligën e dytë turke, pasi sezonin e kaluar nuk arriti të siguronte qëndrimin në Superligë.
Për sulmuesin kavajas ka shfaqur interes një nga ekipet që u ngjit këtë sezon në elitën e futbollit turk, Rizespori, pasi këta të fundit kërkojnë të formojnë një ekip me lojtar me eksperiencë dhe Cikalleshi e njeh mjaft mirë futbollin turk. Por sulmuesi është dhe i vetëdijshëm që nëse luan në Superligën turke shanset për tu grumbulluar në kombëtaren shqiptare janë më të mëdha se të qëndrojë me Osmanlisporin.
