Gjatë protestës, një qytetar ka provokuar duke hedhur shashka. Kaq ka mjaftuar që frika e tensioni të shtohej. Një person i veshur me një bluzë sportive me kapuç, ka hedhur kapsolla, ku janë dëgjuar dy shpërthime.
Më pas mbi turmë është ngritur një re tymi. Nga podiumi ku po flisnin me radhë artistët dhe qytetarët, kanë ardhur thirrjet për qetësi.
Burime për “Tirana Today” raportojnë se nga këto shashka janë dëmtuar dy persona, një gazetare dhe një qytetare e cila i ishte bashkuar protestës.
Tensione në protestë, hidhen kapsolla. Lëndohet një gazetare (FOTO)
Protestuesit janë hedhur menjëherë në veprim, ndërsa kanë larguar një person mes përmes turmës, duke ia mbajtur kokën poshtë.
“Tirana Today” përcjell fotot nga vendi i ngjarjes në kohë reale, ku duket një qytetare e cila është lënduar në këmbë.
