Kreu i qeverisë, Edi Rama së bashku me komisionerin për Zgjerim të BE-së, Olivér Várhelyi, kanë vizituar ditën e sotme disa nga lagjet e prekura nga tërmeti në Durrës.
Rama e njohu komisionerin me dëmet e shkaktuara nga tërmeti, teksa bëri me dije se në këtë zonë qeveria ka në plan që të ndërtojë 1 ose dy lagje.
“Po fillojmë planin për të ndërtuar në Durrës 1 ose 2 lagje. Kishte godina që i rezistuan shumë mirë tërmetit, duke marrë parasysh parametrat”, tha ai.
Gjatë kësaj kohe një grup banorësh tentojnë që të afrohen që të flasin me kryeministrin, në lidhje me masat që do merren për gjendjen në të cilën ndodhen.
Biseda në distancë me banorët
Zoti kryeministër, mund të flasim të lutem.
Rama: Mirë?! ( Përshëndet banorët me dorë) Ça halli ke?
Banori: Ke një muaj e ca që ishte këtu dhe nuk e dimë se ça do bëhet. Kemi një muaj e gjysmë që presim.
Rama: Po pse ku ke parë ti që të bëhet gjithë kjo në një muaj e gjysmë?! (Tregon me shenjë nga pallatet e dëmtuara).
Banori: Po kemi parë.
Rama: Po ke parë po.
