Mesfushori i kombëtares shqiptare, Kamer Qaka është përjashtuar nga skuadra e Steaua së Bukureshtit pasi u eliminuan në turin e play-off të Europa League. Ka qenë vetë presidenti i klubit, Gigi Becali që ka konfirmuar këtë lajm dhe pritet që të jenë edhe shumë lojtarë të tjerë që do të largohen në mënyrë të tillë pas këtij dështimi.
Qaka u bashkua me Steauan pas një sezoni fantastik me te Poli Iasi për një shumë prej 400 mijë eurosh dhe klubi i vendosi një klauzolë të çmendur, 20 milionë euro për prishjen e kontratës 5-vjeçare.
“Ia dhashë Qakën Poli Iasi-t, por ai refuzon të shkojë. I thashë që është jashtë liste, nuk është më pjesë e klubit tonë, ndaj duhet të shkojë, nuk ka ç’të bëjë”, tha Gigi Becali një ditë pas eliminimit nga Europa League.
Tek Steaua e Bukureshtit prisnin që Qaka të merrte në dorë ekipin e të ishte si Pirlo apo Iniesta, pasi ai ka luajtur vetëm 7 ndeshje dhe është marrë një vendim për ta përjashtuar nga skuadra, që nuk është aspak normal.
