Shqipëria dhe Greqia morën vendimin për ta çuar në Gjykatën e Hagës çështjen e kufirit detar mes dy vendeve, pas takimit të ministrit të Jashtëm grek, Nikos Dendias, me kryeministrin Edi Rama.
Kryeministri grek Kyriakos Mitsotakis, ka dhënë komentin e tij referuar çështjes së kufirit detar me Shqipërinë, e cila do të shkojë në Hagë. Kryeministri është shprehur se kjo është e vetmja zgjidhje, në mënyrë që mosmarrëveshjet të shuhen. Duke qëndruar në të njëjtën linjë, ai ka shtuar më tej se kjo është mënyra se si shtetet serioze dhe të përgjegjshme zgjidhin mosmarrëveshjet e tyre.
“Kemi rënë dakord që meqenëse nuk mund të zgjidhim mosmarrëveshjet tona rreth caktimit të kufijve të Zonave Detare, jemi të gatshëm t’i drejtohemi Gjykatës Ndërkombëtare të Drejtësisë. Kjo është mënyra se si shtetet serioze dhe të përgjegjshme zgjidhin mosmarrëveshjet e tyre”, tha ai.
Mitsotakis theksoi se Turqia ka një sjellje që shkel haptazi ligjin ndërkombëtar, sfidon traktate të detyrueshme ndërkombëtare dhe në të njëjtën kohë minon sigurinë rajonale, për të cilën të tre vendet punojnë shumë.
Ai madje sqaroi se “Vetëm aktet e ndershme prodhojnë drejtësi”, ndërsa me rastin e dy marrëveshjeve ligjore me Italinë dhe Egjiptin, si dhe marrëveshjen me Shqipërinë për një apel në Hagë, ai theksoi se “kjo është serioze sa shtetet përgjegjëse”.
