Ish-ministri i Drejtësisë, Ylli Manjani, ka reaguar ashpër pas deklaratës së kryeministrit Rama, se do marrin punëtorë të huaj për të rindërtuar objektet e dëmtuara nga tërmeti.
Manjani, mjaft i revoltuar me këtë situatë, kërkon të dijë se pse Rama merr pjesë edhe në disa çështje të cilat nuk i takojnë. Në komentin e tij të radhës në Facebook, ish-ministri nënvizon se të vetmen gjë që ka në dorë Rama është që krijojë mundësinë të punësohen punëtorët shqiptarë në Shqipëri.
Me tone ironike ai shprehet se Rama nuk krijon mundësi për shqiptarët, por ama është i gatshëm për të huajt.
Statusi
“Për rindërtimin do marrim punëtorë të huaj nga kontinente të tjera”- thotë në mënyrë të përsëritur Rama.
Ore ky është firmë ndërtimi apo Kryeministër, se na trashi?!
Ç’punë ka ky se ku i marrin punëtorët firmat e ndërtimit?!
Të vetmen gjë që ka në dorë, të krijojë mundësinë të punësohen punëtorët shqiptarë në Shqipëri, nuk e bën!!!
Ama, për të futur në punë punëtorë të huaj është usta…!
Ç’a është ky shejtan, mor aman?!
