Ditën e sotme Lëvizja Socialiste për Integrim festoi 15-vjetorin e themelimit të saj.
Mirëpo, ajo çfarë ra në sy ishte se mes pjesëmarrësve të shumtë në ceremoni, ishte edhe kryetari i Parlamentit, Gramoz Ruçi, i vetmi nga radhët e Partisë Socialiste.
Ndërkohë, siç duket edhe nga fotot, nuk ka munguar as përplasja e gotave midis Ruçit dhe zonjës Kryemadhi.
Kujtojmë se gjatë fjalës së mbajtur, Kryemadhi hodhi akuza të forta kundër qeverisë.
“Situata është e paprecedent. Vendin e ka mbërthyer një krize totale e qeverisjes, ekonomisë dhe shoqërisë. Ata shohin se Rilindja nuk ka më asnjë pikë takimi me asnjë ideologji,e aq më pak me të majtën. Rilindja e Ramës do mbahet mend si tradhtarja më e madhe e së majtës shqiptare”, deklaroi ajo.
