Politikë

“Cenon sigurinë kombëtare”, Vokshi për Ramën: Më ka paditur me 10 milionë lekë

               Publikuar në : 22:50 - 11/07/19 Enno

Ish-deputetja e Partisë Demokratike, Albana Vokshi ka deklaruar se paketa anti-shpifje, miratuar pak ditë më parë nga qeveria, sipas saj, ka qëllim që të mbyllë portalet në vend, si një strategji për të kundërshtuar kritikuesit e qeverisë.

E ftuar këtë mbrëmje në emisionin “Të Paekspozuarit”, Vokshi tha ndër të tjera se me padinë që kryeministri Rama ka ngritur ndaj saj në lidhje me një status për check up-in, kërkohej një gjobë prej 10 milionë lekësh.

“Askush nuk di se çfarë është rekomanduar nga institucionet ndërkombëtare. Drafti kur është kërkuar në Këshillin e Ministrave ka qenë i papërfunduar. Është çuar me shpejtësi të madhe dhe kjo është arsyeja përse është mbajtur në sirtar derisa të rakordoheshin nenet ashtu siç i ka në mendje Edi Rama.Më rezulton se në nënin 24 pika 2, thuhet bllokohet aksesi në internet në rastet kur shërbimet e medias elektronike mund të nxisin kryerjen e një nga veprave penale, përfshirë cënimin e sigurisë kombëtare. Në padinë që mua më ka bërë kryeministri, se kam bërë status për check up, kërkohet një gjobë prej 10 milionë lekësh, plus që unë duhet ta përgënjeshtroj statusin që kam bërë. Në rreshta, thuhet se statusi që unë kam bërë cënon sigurinë kombëtare”, nënvizoi ish-deputetja demokrate.

Shfaq Komentet (0)

Shkruaj nje koment

Adresa juaj email s’do të bëhet publike. Fushat e domosdoshme janë shënuar me një *

* *

Kthehu
WhatsApp Denonco ne TT