Një tren është përplasur me një kamion mallrash të parkuar në hekurudhë, në Pakistanin lindor, duke shkaktuar kështu 20 viktima dhe dhjetëra të tjerë të plagosur.
Ngjarja u shënua në orët e para të mëngjesit të 11 korrikut. Sipas të dhënave nga policia, rreth 84 persona të tjerë janë plagosur, disa prej të cilëve ndodhen në gjendje kritike për jetën. Shefi i policisë, Umer Salamat tregon se treni po udhëtonte nga qyteti lindor Lahore në provincën Balochistan në jugperëndim,në momentin kur ndodhi aksidenti në stacionin hekurudhor të Walhar pranë Rahim Yar Khan.
Nga ana tjetër, kryeministri Imran Khan, u shpreh se ishte i trishtuar nga lajmi ka urdhëruar autoritetet për të ofruar kujdesin më të mirë mjekësor për viktimat.
Shfaq Komentet (0)
Denonco ne TT