Aktualisht koronavirusi ndodhet shumë pranë Shqipërisë…në Itali. Deri më tani 7 persona kanë ndërruar jetë në shtetin fqinj.
Mirëpo çfarë duhet të bëjmë ne shqiptarët?
Në një kohë që ende nuk ka asnjë të dyshuar në vendin tonë me koronavirus, e rëndësishme është të mësojmë sesi të sillemi në situata të tilla dhe të jemi të përgatitur për çdo rast.
Së pari, është konfirmuar se rimëkëmbja e individit të prekur me koronavirus, varet shumë nga sistemi i tij imunitar.
Nëse në vendin tonë konfirmohet një rast me koronavirus ose edhe nëse jeni një nga ata persona që ju zë shpesh gripi, atëherë duhet të shmangni sa më shumë vendet publike, mes të cilave kinematë, palestrat, kafenetë.
Nëse shihni një person me shenjat e gripit mundohuni t’i qëndroni sa më larg.
Së dyti, higjiena personale është kryesorja. Lani duart shpesh herë dhe mos e prekni fytyrën, veçanërisht hundën dhe sytë.
Kujdes duhet të keni edhe gjatë pazarit në treg apo supermarket. Ushqimet duhet të lahen dhe të zihen shumë mirë gjatë përgatitjes.
Përdorni solucion me alkool për dezinfektimin e duarve kur nuk keni mundësi t’i lani si dhe shami për të mbuluar hundën dhe gojën sa herë që teshtini ose keni pranë një person me shenja të rrufës dhe gripit, shkruan “iconstyle”.
Së treti, në rast të çdo kontakti të dyshuar me një person që ka ardhur nga vende ku janë shfaqur raste të koronavirusit, telefoni numrin 127, që është numri i emergjencës kombëtare dhe mos shkoni në spital, por qëndroni në shtëpi pasi përhapja e virusit është shumë e shpejtë.
https://www.instagram.com/p/B86EqtDA3AB/
