Ministri i Jashtëm në detyrë, Gent Cakaj, në Kongresin e Partisë Socialiste citoi se kjo forcë nuk mund të marrë përgjegjësi për ata që kanë zgjedhur rrugën dhe konfliktin përçarës.
Sipas tij, socialistët janë në anën e drejtë të historisë, duke vendosur Shqipërinë mbi interesat partiake. “Ne nuk mund të zgjedhim për të tjerët, dhe as nuk mund të marrim përgjegjësi për ata që e kanë gjetur zgjidhjen në rrugë, në konfliktin përçarës, në vend që të kërkojnë unitet dhe arsye.
Prandaj ne mund të flasim për zgjidhjen tonë, ajo për të qëndruar në anën e drejtë të historisë, e për të vendosur interesat e Shqipërisë mbi interesat partiake”, u shpreh ndër të tjera Cakaj.
