Analisti Andi Bushati mbrëmjen e sotme ishte i ftuar në emisionin “Open” prej ku theksoi se qeveria po mbyll çdo zë që është kundër saj.
“Duhet të bëjmë një tablo të përgjithshme të situatës atëherë të flasim për paketën anti-shpifje. Ne jemi një vend me opozitë jashtë parlamentit, jemi një vend me pushtetin lokal i gjithi i Partisë Socialiste, vend pa Gjykatë të Lartë, pa Gjykatë Kushtetuese. Media ka pak liri, t’ia heqë edhe këtë liri. Po mbyll çdo zë kundër qeverisë. Ne paskemi qenë në një të keqe kaq të madhe saqë ka ardh fanari i të mirës që do na rregullojë dhe median”, tha Bushati.
Kujtojmë se paketa anti-shpifje u miratua ditën e sotme nga Komisioni i Ligjeve.
