Komiteti Teknik i Ekspertëve është ‘rikthyer’ sërish në punë, pas shpërthimit të infektimeve në vendin tonë. Në konferencën për media është shprehur shqetësimi për rritjen e rasteve ditore, për shkak të virusit Delta. Drejtoresha e IPSH, Albana Fico, tha se mesatarja javore e rasteve ka shkuar në 482 nga 291 që ishte një javë më parë. Komiteti Teknik konfirmoi se situata mund të mbahet nën kontroll, duke respektuar masat e marra më herët në lidhje me koronavirusin. Të tilla janë mbajtja e maskës në ambientet e mbyllura, si markete, qendra tregtare, aeroporte, etj.
Sipas Ficos, “masat nuk kanë ndryshuar, por duhen zbatuar ato që janë, si përdorimi i maskës, mbajtja e distancës dhe higjiena”. Duke u ndalur tek shifrat, ajo tha se mesatarja javore e rasteve të reja ka shkuar në 482 raste nga 291 që ishte një javë më parë. Numri total i rasteve aktive në vend ka shkuar 5792, që çon në rritje të incidencës javore me rreth 5 herë.
“Mesatarja javore e rasteve të reja ka shkuar në 482 raste nga 291 që ishte një javë më parë. Numri total i rasteve aktive në vend ka shkuar 5792, që çon në rritje të incidencës javore me rreth 5 herë.
Qytetarët që rezultojnë pozitiv duhet të karantinohen. Gushti ishte një muaj i hapur vaksinimi, edhe shtatori do jetë muaj i hapur.
Në total janë bërë 1 396 390 vaksinime, 788 mijë persona me doza të para. Të vaksinuar plotësisht, me dy dozat janë 590 mijë persona.
Gjirokastra është qarku me mbulesën vaksinale më të lartë. Masat nuk kanë ndryshuar, duhet fuqizuar zbatimi i tyre nga institucionet ligjzbatuese dhe nga qytetarët. Ju lutem vaksinohuni”, tha Fico. /Tirana Today
