Aktori i njohur Edmond Budina ka komentuar shembjen e Teatrit Kombëtar.
Në një prononcim për “abcnews”, Budina deklaroi se me rënien e kësaj godine “vriten edhe ëndrrat e njerëzve që mendojnë se ky vend mund të ecë përpara”:
“E dhimbshme, e tmerrshme, është e pashpjegueshme me fjalë. Për faktin, jo vetëm për kohën që kemi kaluar duke e mbrojtur atë godinë, por edhe pse me rënien e kësaj godine vriten edhe ëndrrat e njerëzve që mendojnë se ky vend mund të ecë përpara.
Ky për mua, ky është një akt barbar, kur e gjithë Evropa thotë që ky është një monument kulture dhe këta e shembin pa pikën e mëshirës…
Të sjellësh 1500 forca të policisë dhe të prangosësh aktorët, në një kohë që mafiozët janë të lirë të lumtur. Ne besonim që nuk do prishej. Por, siç kemi dhe besimin që atë rrënojë që bënë aty është një lloj grope që i hapën vetes.
Nesër kur ata të mos jenë, ai teatri do rindërtohet përsëri. Do ta paguajnë të gjithë këtë. Nuk pritën as verifikimin e Prokurorisë, asnjë gjë”.
