Brnabiç: Pa marrëveshje me Serbinë, Kosova nuk do të arrijë asgjë

Kryeministrja e Serbisë, Ana Brnabiç i ka kthyer përgjigjje Albin Kurtit mbi deklaratat e tij për prioritetet e qeverisjes së tij.

Në një intervistë për Happy TV, Brnabiç tha se është habitur nga deklaratat e Kurtit, ku ka vendosur dialogun me Kosovën në vend të 6 apo të 7.

Ajo u shpreh se Kosova pa dialogun me Serbinë nuk ka asnjë perspektivë evropiane dhe as ekonomike.

Cilësia e jetës së të gjithë qytetarëve në Kosovë varet nga dialogu me Beogradin, dhe kjo është arsyeja pse unë u befasova nga deklarata e udhëheqësit të Vetëvendosjes, Albin Kurti, se dialogu është vetëm në vendin e gjashtë ose të shtatë të prioriteteve të tij. Nuk ka asnjë perspektivë, as evropiane dhe as ekonomike pa marrëveshje me Beogradin. Për shkak të gjithë kësaj, deklarata e Kurtit nuk është e qartë për mua, por mbase unë jam shumë pragmatike. Prioriteti numër një për të është dialogu me Serbinë,” tha ajo.