Një 32-vjeçar shqiptar është lënë në burg nga një gjykatë në Britani. Ai është Agim Selmanllari, i cili u dënua me 6 muaj burg, për kultivim kanabisi dhe vjedhje të energjisë elektrike, shkruan coventrytelegraph.net.
Shqiptari ra në pranga të autoriteteve britanike, pasi u zbuluan një fabrikë kanabisi në Nuneaton të Anglisë.
Ndërsa mediat bëjnë të ditur se 32-vjeçari, kishte shkuar në Britani i fshehur në një kamion nga Franca, me qëllim që të fitonte para për t’i sjellë në Shqipëri, ku jeton djali i tij i vogël i sëmurë.
Me të mbërritur në shtetin britanik, ai ishte derguar në një shtëpi në rrugën Arbury dhe iu tha se duhet të kujdesej për kanabisin, si mënyrë për të paguar borxhin prej 9 mijë paund të cilin ia kishte atyre që i kishin siguruar rrugën drejt Britanisë së Madhe.
Para gjykatës së Ëarëick, Selmanllari tha se madje ishte kërcënuar edhe me familjen e tij në Shqipëri, nëse nuk bënte siç iu ishte kërkuar.
“Coverty Telegraph” shkruan se 32-vjeçari, pasi të përfundojë dënimin me 6 muaj burg, do të kthehet mbrapsht në vendin tonë. Në shtëpinë në rrugën Arbury, autoritetet gjetën mbi 300 bimë kanabisi, gjatë një operacioni të zhvilluar në Nëntor të 2017-s. TIRANA TODAY
