Brenda një dite, pasuria e pronarit të kompanisë Amazon, Jeff Bezos, shënoi rritje prej 13 miliardë dollarësh.
Raportohet se kjo ndodhi pasi të hënën vlera e aksioneve të kompanisë së tij regjistroi ngritje 7.9 përqind, raporton revista “Bloomberg”.
Kjo është rritja më e madhe e pasurisë brenda një dite, që nga viti 2012, kur kjo revistë filloi të raportojë për shifrat e pasurisë së miliarderëve.
Bezos, 56 vjeç, është njeriu më i pasur në botë me 189 miliardë dollarë.
Gjatë kohës së pandemisë, shitjet online përmes kompanisë Amazon shënuan rritje.
Vlera në treg e kësaj kompanie vlerësohet në më shumë se një mijë miliardë dollarë, shkruan “Rel”.
