Ish-deputetja e PD, Jorida Tabuka, sikundër kolegët e saj kanë qënë të pranishëm pranë banesave të cilat do të shemben, si pjesë e projektit të Bulevardit të ri, në zonën e Bregut të Lumit.
Ajo apelon ndaj shtetit që t’i dëgjojë këta banorë, të cilët kërkojnë që të dëmshpërblehen në mënyrë të njëjtë si banorët e parë në këtë projekt.
“Shteti ka rënë. Kur nuk mbrohen të dobëtit, në nevojë, atëherë çfarë? Sot shteti ka dhunuar 30 banorë. Ju e patë dje që banorët nuk kishin asnjë informacion se çfarë do të ndodhte.
Sot në orët e para të mëngjesit unë dhe z. Balliu jemi njoftuar për atë që po ndodhte. Një pjesë familjarësh janë në komisariat, një pjesë tek Trauma, po operohet, se është çarë në kokë.
Kjo që ka ndodhur këtu, nuk besoj se ka ndodhur në asnjë vend tjetër të Shqipërisë, po dhe në asnjë vend tjetër të botës së tretë!”, tha Tabaku.
