Anëtarët e grupit parlamentar të Partisë Demokratike, të cilët kanë dalë hapur kundër vendimeve të kryetarit Basha, kërkojnë zgjidhjen e ngërçit politik dhe futjen e PD-së në zgjedhje.
Burime për “Tirana Today” konfirmojnë se deputetja Majlinda Bregu ka deklaruar: “Të lësh 600 mijë votues të PD-së pa votë është gjenocid”.
Gjithashtu, Bregu dënon shitblerjen e votës, duke e konsideruar atë si krim, por hetimi i këtij krimi kërkon hetim nga të dyja palët, thekson ajo.
I gatshëm të pranojë ofertat me ndërmjetësim është edhe Astrit Patozi. “Nuk tradhtojmë askënd nëse pranojmë një paketë të ofruar me ndërmjetësimin e ndërkombëtarëve. Të gjithë të luftojmë fort për të arritur maksimumin e kauzës sonë”, thotë Patozi në mbledhje.
