Kryeministri Rama dhe kryedemokrati Basha kanë uruar xhudisten kosovare, për triumfin në Lojërat Olimpike. Kryeministri Edi Rama ka uruar xhudisten kosovare, Distria Krasniqi, për fitoren e medaljes së artë në Lojërat Olimpike “Tokio 2020”. Rama e cilëson atë si një luaneshë.
“LUANESHË
Bravo Bravo Bravo
#RESPEKT”, shkruan Rama.
Ndërsa kreu i PD-së ka shpërndarë një foto të saj në Facebook, teksa bashkëngjitur saj ka shkruar: Krenari.
Kosova fitoi medalje ari në Lojërat Olimpike të Tokios. Distria Krasniqi ia ka dalë të triumfojë edhe në finalen e madhe të xhudos, duke siguruar medaljen e artë në kategorinë 48 kg. Ky është një sukses i madh për Krasniqin, teksa kjo është medalja e dytë e artë e Kosovës në historinë e Lojërave Olimpike.
