Deputeti i Partisë Socialiste, Erion Braçe, tejet i revoltuar pas ndërhyrjeve të shpeshta të kryedemokratit Basha, iu kthye me një gjuhë të ashpër. Teksa foli për Vettingun politik që kërkon PD-ja ta votojnë deputetët, Braçe tha se ka vetëm një Vetting; ai penal.
Ai i kujtoi Bashës katër vrasjet në Bulevard në 21 Janar, kur ishte Ministër i Brendshëm, dhe e pyeti nëse ka ‘b*thë’ të përballet me këtë Vetting. Braçe shpërtheu më tej duke e akuzuar Bashën se as nuk ia ka idenë se sa kushton shporta e ushqimeve mujore.
“S’i kam kurrkujt asnjë borxh. Për të më përdorur për të vrarë njerëz në mes të bulevardit. S’ka ndodhur dhe as nuk ka për të ndodhur kurrë. Nuk arrij ta kuptoj se çfarë do të thotë Vetting politik, ka vetëm një Vetting, Vetting penal dhe është për ato që vrasin.
Ai është për ata që vrasin, jo për të larguar nga politika, por për ta çuar në burg për vrasjen e katër vetave në bulevard. Ke b*thë për këtë Vetting? Kot dëgjuam tre orë. T’i je një njeri që nuk e di se sa të kushton shporta e ushqimeve mujore. Në një treg kur çmimet i përcaktojë këta, 150 mln euro shkojnë për oligarkët e jo për këta. Kostoja ushqimeve sot është shtrenjtuar. 41.6% e buxhetit të shqiptarëve shkojnë për ushqime, është më pak se në 2013”, tha Braçe.
