E hënë, 6 Dhjetor, 2021
11.5 C
Tirana

Ndryshimet klimatike/ Kompanitë e naftës do dëshmojnë në Kongres

Drejtuesit e lartë të kompanive të mëdha perëndimore të naftës, do të dëshmojnë para Kongresit të SHBA-së, mes akuzave se ata mashtruan publikun në lidhje me ndryshimet klimatike.

Ligjvënësit demokratë thonë se seancat do të fokusohen në mohimin prej dekadash të industrisë, të rolit udhëheqës të produkteve të saj, në nxitjen e ndryshimeve klimatike.

Kompanitë thanë se shpresonin të përdornin seancat dëgjimore, për të theksuar përpjekjet e fundit, për të adresuar ndryshimet klimatike. Kjo vjen vetëm disa ditë përpara fillimit të konferencës së OKB-së, për klimën COP26.

Takimi i Glasgout shihet si një pjesë thelbësore e përpjekjeve, për të shmangur ndryshimin klimatik. Udhëheqësit botërorë do të jenë nën presion mbi planet e tyre, për të ulur emetimet e gazeve serrë, dhe në këtë mënyrë për të reduktuar ngrohjen globale.

Seancat dëgjimore përkojnë gjithashtu me përpjekjet e Presidentit Joe Biden, për të miratuar një projekt-ligj kryesor të shpenzimeve. Udhëheqësit e Kongresit po garojnë për të gjetur një kompromis me republikanët dhe demokratët e moderuar, mbi dispozitat klimatike të projektligjit përpara se Biden të niset për në Glasgow të dielën.

‘Mohimi dhe dyshimi’

Seancat dëgjimore të së enjtes do të mbahen nga Komisioni Mbikqyrës i Dhomës së Përfaqësuesve. Drejtorët ekzekutivë të Exxon, Chevron dhe BP America, presidenti i Shell dhe krerët e firmave lobuese të Institutit Amerikan të Naftës dhe të Dhomës së Tregtisë së SHBA-së, do të japin dëshmi.

Përfaqësuesi Demokratik Ro Khanna, i cili kryeson Nënkomitetin për Mjedisin, tha i cituar nga “Reuters”, se seanca ishte fillimi i një hetimi një-vjeçar. “Ideja është që ata t’i pranojnë popullit amerikan atë që kanë bërë”, tha ai.

Një deklaratë e komitetit tha se industria kishte ditur për efektet e ngrohjes globale që nga viti 1977, por “për dekada përhapi mohim dhe dyshim për dëmin e produkteve të saj”.

Khanna u shpreh se shefat ekzekutivë të kompanive të reklamave dhe mediave sociale, gjithashtu mund të thirren në komitet. Kohët e fundit, disa kompani të mëdha mbështetën publikisht veprimet për të parandaluar ndryshimin e klimës, ndërsa privatisht bllokuan reformat, shtoi ai.

Khanna tha se hetimi mund të përfshijë edhe industri të tjera, duke përfshirë reklamat dhe mediat sociale. Demokratët kanë ‘tërhequr paralele’ me hetimin e Big Tobacco të Dhomës së Përfaqësuesve në vitet 1990, i cili pas muajsh dëshmish arriti në përfundimin se kompanitë e cigareve u përpoqën të fshehin provat se produktet e tyre ishin të varura dhe të dëmshme.

Përpara seancave dëgjimore të së enjtes, kompanitë e përfshira thanë se po bashkëpunonin me hetimin, dhe ishin të angazhuara për të marrë pjesë.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

“Shkelje financiare”, arrestohet presidenti i klubit italian

Presidenti i një prej klubeve të Serisë A është vënë në pranga, për shkelje financiare mes të cilave edhe deklarimin e falimentit të kompanive...

“Jam në Dubai, s’jam arratisur”/ Nipi i deputetit të PS-së: Ngjarje e stisur

Ramazan Rraja, nipi i deputetit socialist, Rrahman Rraja konfirmon se nuk është arratisur, pasi akuzohet se së bashku me dy persona të tjerë, kanë...

E shkarkuat Bashën, e pastaj …?

Nga: Artur Ajazi Foltoristët dhe kryetari i tyre Sali Berisha, po numurojnë me padurim të madh, sa ditë dhe sa orë, kanë mbetur deri ditën...

Dy raste me Omicron në Greqi

Me variantin Omicron u diagnostikuan dy rastet e dyshimta që ishin futur në mikroskopin e studiuesve të Greqisë. Bëhet fjalë për dy shtetas që kishin...

Ne përmbytemi rregullisht, e nuk vëmë mend nga asnjë fatkeqësi

Nga: Mentor Kikia Ka ndryshuar klima o budallenj! Duhet të ndryshojmë dhe ne, ndryshe do të ngordhim. Vetëm pas një jave me reshje, vjen paralajmërimi i...