E martë, 19 Janar, 2021
-6 C
Tirana

Bota feston Krishtlindjet si asnjëherë tjetër, nën hijen e një pandemie globale

Festat e fundvitit ashtu si çdo festim tjetër gjatë gjithë këtij viti, janë zbehur për shkak të masave kufizuese nga qeveritë përkatëse të çdo shteti, me qëllim parandalimin e përhapjes së virusit.

Shumë persona do të kalojnë Krishtlindjet të pikëlluar, pasi kriza shëndetësore mori jetën e 1.7 milion njerëzve deri më tani këtë vit.

Por si janë zgjuar disa shtete të ndryshme të botës, në ditën e Krishtlindjeve? Në Palestinë festimet janë lejuar vetëm me një numër shumë të vogël personash që do ndjekin eventet tradicionale festive.

Në Liban, qeveria hoqi shumicën e masave të virusit përpara festave, duke shpresuar të stimulonte ekonominë. Dhjetëra mijëra libanezë emigrantë mbërritën në shtëpi për pushimet, por kjo sillte frikë për shkak se mund të çonte në një rritje të rasteve gjatë sezonit festiv.

Libani ka përqindjen më të madhe të krishterëve në Lindjen e Mesme – rreth një e treta e 5 milion njerëzve të tij – dhe tradicionalisht feston Krishtlindjet me shumë bujë.

Egjipti ka ndaluar të gjitha festimet e çdo lloji, për të parandaluar një rritje të rasteve. Në Mbretërinë e Bashkuar, Krishtlindjet janë pritur më nënshkrimin e marrëveshjes tregtare BREXIT, lajm i cili u prit me mjaft entuziazëm nga qytetarët britanikë.

Në Itali këmbanat e kishës kanë ranë më herët se vitet e tjera, kjo për shkak të fashës orare të vendosur nga qeveria italiane.

Në Greqi vigjilja e Krishtlindjeve ishte shumë e heshtur. Ndryshe nga vitet e tjera ku fëmijët gjithë ditën këndonin këngë dhe trokisnin nëpër dyer për të marrë dhurata, një traditë e përvitshme ne shtetin grek.

Kancelarja gjermane Angela Merkel, u ka bërë thirrje gjermanëve që të shmangin vizitat tek anëtarët e familjeve gjatë Krishtlindjeve, dhe të përdorin thirrjet me video në vend të përshëndetjeve, ashtu si bëjnë anëtarët e shërbimit të stacionuar jashtë vendit. Gjermania po lufton me një rritje të infeksioneve të koronavirusit dhe vdekjeve.

Lexo edhe :   “Rritje e rasteve”/ Manastirliu zbulon vendimin për masat shtrënguese

Në Korenë e Jugut, njerëzit u zgjuan në mëngjesin e Krishtlindjes duke marrë vesh se kriza e koronavirusit në vendin e tyre ka marrë një kthesë tjetër për keq, ndërsa të gjitha aktivitetet zyrtare dhe jo vetëm u mbyllën.

Në Kinë, autoritetet në qytetin verilindor të portit Dalian po testojnë miliona banorë, pasi shtatë raste të reja me koronavirus u raportuan atje në 24 orët e fundit.

Në Australi, miliona banorëve të Sidneit ju kërkua të kufizojnë lëvizjet e tyre gjatë festave të Krishtlindjeve, me disa familje në izolim dhe tubime festive të kufizuara me vetëm 10 vizitorë brenda.

Lexo edhe :   Do udhëtoni drejt SHBA? Ambasada Amerikane në Tiranë del me njoftimin e fundit

Në Shtetet e Bashkuara, amerikanët po shënojnë një Krishtlindje të zymtë, pasi infeksionet nga koronavirusi shpërthyen në të gjithë vendin. Udhëheqësit politikë paralajmëruan njerëzit që të mos udhëtonin ose të mblidheshin në grupe të mëdha.

Meksika të enjten vaksinoi personin e parë kundër COVID-19. Vaksina Pfizer iu dha infermierës 59-vjeçare Maria Irene Ramirez, kryeinfermiere në njësinë e kujdesit intensiv të spitalit Ruben Lenero të Mexico City.

Ndërkohë, në Brazil, presidenti Jair Bolsonaro përdori mesazhin e tij të Krishtlindjes për të hedhur më shumë dyshime për një vaksinë kundër koronavirusit të blerë nga një prej shteteve të vendit, nga firma kineze biofarmaceutike Sinovac.

Kili mori të enjten 10.000 dozat e para të një porosie prej 10 milionë vaksinave të Pfizer-BioNTech, që do fillojë vaksinimin e menjëhershëm të punonjësve shëndetësorë.

Në Kosta Rika, punonjësit shëndetësorë kryen dozat e para të vaksinës Pfizer për një grup personash në një shtëpi të moshuarish pranë kryeqytetit, San Jose, ndërsa rreth 300.000 doza të vaksinës Sputnik V të Rusisë mbërritën në Argjentinë.

Burimi i lajmit: https://www.aljazeera.com/news/2020/12/25/world-celebrates-christmas-eve-under-covid-19-shadow

Përshtatur nga TIRANA TODAY

 

- Reklama -

Më shumë nga kategoria




Të fundit

Mesi e gjuajti me shpullë, sulmuesi i Bilbaos: Ai u nxeh sepse e bllokova

Sulmuesi i Atletik Bilbaos, Asier Vijalibre do të mbahet më shumë mend për faktin se detyroi Lionel Mesin të ndëshkohej me karton të kuq...

Qeverisje me PS? Duma: Zero shanse, ofendim për sakrificat e demokratëve

Ish-deputetja Grida Duma hodhi poshtë mundësinë e një koalicioni të madh mes PS- së dhe PD-së. E pyetur për thashethemet që qarkullojnë së fundmi për...

Mediu: Të biem dakort me PD-në sa më shpejt të jetë e mundur që të mundim Ramën

Kryetari i Partisë Republikane, Fatmir Mediu është shprehur se bisedimet me Partinë Demokratike për arritjen e një marrëveshjeje vijojnë. Në ''Open”, Mediu tha se PR-së...

“Pyetjet i merr nga Basha“/ Gazetarja-Topallit: Merre telefonin shikoje

Gazetarja e ABC, Esiona Konomi dhe kryetarja e Lëvizjes për Ndryshim, Jozefina Topalli, janë përplasur në emisionin ''Log'' në lidhje me bashkëpunimin e tyre...

Akuza për spiunazh, Rusia dëbon dy diplomatë holandezë

Rusia ka dëbuar dy diplomatë holandezë në një veprim reciprok pasi Holanda dëboi dy diplomatë rusë në fund të vitit të kaluar. Ministria e Punëve...