Vetëm pak minuta pasi kryemintri Rama ka dalë në një video duke inspektuar godinat e qendrës spitalore “Nënë Terëza”, ka reaguar Nënkryetari i LSI-së, Petrit Vasili.
I revoltuar dhe me një dokument në dorë, Vasili i ka bërë thirrje kryeministri që të hesht për sigurinë dhe t’ua lërë në dorë atë specialistëve.
Ai ka nxjerrë një dokument, ku sipas tij, drejtori i Institutit të Ndërtimit e ka shpallur të pabanueshme goditën e 6 katëshit, siç njihet nga qytetarët.
Doshi, Llalla e Dako në listën e zezë/ Pompeo: Do ketë të tjera bllokime vizash
Pjesë nga fjala e Vasilit:
“Kryeministri ishte sot në spitalin 6 katësh, ky spital në mënyrë të veçantë kjo godinë, mbas verifikimit të institutit të ndërtimit dhe me firmën e drejtorit Agron Hysenlliu në 30 nëntor është konkluduar e zeza në të bardhë, të mos lejohet aktiviteti deri në riparimin e dëmeve. Sot gjithollogu që vete bën ekspertim me ministren e drejtorin e QSUT, me një mjeke të nderuar por që s’kanë hiç të bëjnë me këtë çështje hyjnë në një godinë që s’duhet të ishte në funksion deri ne riparimin e dëmtimeve.
Kush i jep garancinë e sigurisë kësaj ndërtese kur institucioni thotë se nuk duhet te funksionoje, por jane mbyllur vetëm dy kate dhe 4 kate vazhdojnë punën?
Kush është ky që merr përsipër këtë përgjegjësi?
E njëjta gjë po ndodh me shkollat, me nga 2 ekspertiza, te Emin Duraku u tha të pezullohet aktiviteti, 24 orë më vonë jepet një mendim i kundërt.
A mund të bëhen shaka e lojëra të tilla me objekte kaq delikate si shkollat e spitalet ku hyjnë me mijëra njerëz? Kjo është situatë skandaloze, qeveria s’ka përgjegjshmëri edhe kur bëhet fjalë për jetë njerëzish.
Shaka të tilla me jetë njerëzish mos bëj, boll më. Sot inspektimet duhet të jenë rigoroze, shteruese dhe garantuese.
Përgjegjësi shumë e madhe duhet të jenë edhe projektet e rehabilitimit dhe rigarantimit të sigurisë. Rama të mbyllë gojën e të pushojë e tua lërë në dorë specialistëve”.
