Deputetja Rudina Hajdari, teksa e ka cilësuar draftin e PS hileqar që nuk hap listat 100%, u ka bërë thirrje kolegëve opozitarë të mos marrin pjesë në asnjë mbledhje të Këshillit Politik, derisa të shqyrtohet drafti i tyre.
“Nuk do të bëjmë asnjë cm pas për sovranitetin e popullit. Drafti i PS-së është një draf hileqar, sa i përket hapjes së listave. Ne kërkojmë që të hyjmë në lojë me rregulla të barabarta.
E trishtë që PS këmbëngul me një draft hileqar. Beteja jonë është për një të ardhme më të mirë.
Kushdo që do jetë kryeministër nesër, do të jetë në gjendje që të zhdukë korrupsionin. I bëj thirrje që të mos jemi në asnjë mbledhje, pasi çdo debat tjetër i përket një debati personal”, tha më tej ajo.