Në emisionin ‘Provokacija’, ish-politikani Gjergj Bojaxhi ka provokuar si historian, duke u shprehur se shqiptarët nuk janë pasardhës të pellazgëve. Bojaxhi po merret me një projekt që do përcaktojë origjinën e shqiptarëve në Shqipëri, Kosovë, Maqedoni dhe Malin e Zi. Sipas tij, rezultatet nuk kanë të bëjnë me karakteristikat e individit, por me gjenetikën, për të kuptuar më mirë të kaluarën tonë. Etnia nuk është thjesht gjenetikë, por kulturë dhe gjuhë.
“Ne kemi menduar që mund të bëhemi 1500 veta, që secili bën testin dhe mëson për veten e tij, por edhe kontribuon për bashkësinë. Synojmë një kampion prej 1000 veta. Kemi arritur 636, është kampioni më i madh i shqiptarëve”.
Ndër të tjera, ai ka vënë në dukje se raportet më të mira i kemi me kroatët dhe boshnjakët. “Nuk është sllavizmi si kundërshtar, por përdorimi i këtyre koncepteve”.
Popullata shqiptare në pjesën më të madhe, sipas tij, është e përbërë nga meshkuj që kanë ardhur në përiudhën e bronxit dhe jo nga pellazgët.
“Në masën 75%, meshkujt shqiptarë kanë ardhur në Ballkan si pjesë e dyndjeve indoevropiane në periudhën e bronxit. Meshkujt që kanë ardhur në periudhën e bronxit. Grupimi i dytë janë sllavët dhe grupi i tretë janë gotët dhe pastaj pjesa neolite ose pellazge, dhe pastaj mbetje nga periudha romake. Testet e ADN nuk e vërtetojnë që origjinën e kemi nga pellazgët”.