Kryeministri i Maqedonisë së Veriut Zoran Zaev, e cilësoi një vendim të padrejtë nga ana e BE, mos hapjen e negociatave sidomos për Shqipërinë, pasi vendi ynë u penalizua nga mosmarrëveshjet midis Shkupit dhe Sofjes.
Gjatë fjalës së tij në Shkup, pas takimit me kryeministrin Edi Rama, Zaev u shpreh se Maqedonia e Veriut dhe Shqipëria, nuk do të jenë anëtarë të BE së shpejti, por se negociatat do të shërbenin për të evropianuzuar të dyja vendet.
Zoran Zaev: “Sidomos është e padrejtë karshi Shqipërisë. Është e padrejtë për Shqipërinë dhe është çështje evropiane. Se është vetëm hapi i mëtejshëm drejt BE. E dimë se nesër nuk do jemi anëtare. Do duhen shumë vite. Por ka të bëjë me të mbajtur të motivuar për të vazhduar rrugën nëpërmjet metodologjisë. Ideja është të evropianizojmë dy vendet. Por kjo është ajo që presin prej nesh.”
Në takimin e fundit të Këshillit për Çështje të Përgjithshme të BE-së në Luksemburg, presidenca portugeze ka konstatuar se nuk ekziston konsensus i nevojshëm për të miratuar kornizat negociuese për këto Shqipërinë dhe Maqedoninë e Veriut, si kusht për të hapur negociatat.
