Ministri serb i Mbrojtjes, Aleksandar Vulin, ka paralajmëruar se pas automjeteve të blinduara ushtarake të tipit “BRDM-2”, që Rusia i dhuroi Serbisë, do ketë prapë furnizime të tjera armësh mes dy palëve.
Në një intervistë për RTS-në, Vulin ka deklaruar se në fund të këtij viti apo në fillim të vitit të ardhshëm, Serbia do të furnizohet me katër helikopter të rinj “Mi-35” dhe tre të tipit “Mi17”, nga Rusia.
“Këta janë helikopterë krejtësisht të rinj dhe janë më të mirët në botë. Unë pres që ata të arrijnë deri në fund të vitit ose në fillim të ardhshëm. Ne nuk kemi siguruar dekada më parë fonde ushtarake”, tha Vulin.
Sa i përket furnizimit me automjete të blinduara ushtarake që ishin donacion nga Rusia, Vulin ka thënë se tashmë ushtria e Serbisë do të jetë në gjendje të mbrojë më mirë njerëzit e saj.
“Ne kemi marrë automjetet që janë të standardeve më të larta. Këto automjete zbulojnë një objektiv prej pesë kilometrash gjatë kushteve të ditës, 3.5 kilometra gjatë natës. Njësitë tona do të kryejnë detyra më të sigurta. Kjo automjet mund të mbrojë njerëzit, të zbulojë qëllimet e armikut dhe të japin informacione. Serbia nuk është një territor terrorist si Kosova, por një vend i sigurt. Sa më e fortë të jemi ne, lufta do të jetë më larg se sa ne. Një Serbi e fortë është një garanci e stabilitetit dhe paqes në Ballkan”, deklaroi Vulin.
