35 viktima janë shënuar nga koronavirusi në 24 orët e fundit, shifër kjo mjaft e ulët në krahasim me ditët e kaluara.
Një rënie e dukshme duket edhe në numrin e rasteve të identifikuara në 24 orët e fundit. Deri më tani raportohen mbi 67 mijë raste të dyshuara me koronavirus.
Ndërsa numri i viktimave deri më tani ka shkuar në 1,526 persona. Një rritje e theksuar shihet edhe në numrin e të shëruarve nga ky virus, teksa 8,365 persona duket ta kenë luftuar me sukses atë.
Ndërkohë, numri aktual i të infektuarve me koronavirusin është 57,216, ndërsa 11,083 persona ndodhen në gjendje të rëndë.
