Shënohet viktima e dytë nga koronavirusi në Shqipëri. 66-vjeçari nga Lushnja ishte i shtruar tek Infektivi. Pacienti vuante nga disa sëmundje shoqëruese.
Ministria e Shëndetësisë njofton se 66-vjeçari ishte në gjendje të rëndë, në respirim të drejtuar dhe ndodhej në reanimacion.
“Mëngjesin e sotëm ndërroi jetë pacienti i shtruar në Spitalin Infektiv, i konfirmuar me COVID-19, i cili ishte në gjendje të rëndë, në respirim të drejtuar në reanimacion. 66-vjeçari nga Lushnja, prej disa ditësh ishte i shtruar në shërbimin Infektiv, në gjendje të rëndë. Pacienti vuante nga disa sëmundje shoqëruese: insuficenca kardiake, edemë pulmonare dhe insuficencë renale”, thuhet në njoftimin e Ministrisë së Shëndetësisë.
Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier.
Javën e kaluar ndërroi jetë edhe gruaja 73-vjeçare nga Durrësi, si pasojë e koronavirusit COVID-19. Ajo vuante nga sëmundje të tjera shoqëruese, të tilla si insuficiencë kardiake kronike, SPOK, Nyha III, Fibrilation atrial, hypertyreisis, tatus post by pass. Koronavirusi rëndoi gjendjen e saj shëndetësore.
