Bieta dhe Rudina janë në konkurrencë me njëra-tjetrën me emisionet e tyre të pasdites, të transmetuara në të njëjtën kohë në televizione të ndryshme. Moderatorja Bieta Sulo ka qenë e ftuar në emisionin e Romeo dhe Donald Veshajt, “Binjakët Show”.
E pyetur “Të ka ftuar ndonjëherë Rudina në emision?”, Bieta iu përgjigj fillimisht: “Cila Rudinë, se janë disa?”.
“Asnjëherë”, tha ajo, duke sqaruar se përveç të gjithash, e ka të pamundur të lëvizë, sepse është në transmetim live çdo pasdite, nga e hëna në të premte.
E pyetur se cili emision ka më shumë shikueshmëri sipas saj, Bieta tha: “Në kuptimin sasior të viteve që ka në treg, është “Takimi” i Rudinës. Të them të dhënat e Youtubit? Trefish për “Ftesë në 5”, është shprehur Bieta.
