Kryetarja e LSI-së, Monika Kryemadhi betohet se godina e Teatrit Kombëtar do të rindërtohet nga e para, siç ka qenë.
Përmes një postimi në Facebook, Kryemadhi tha se Teatri do të rindërtohet me të gjithë infrastrukturën dhe aksesorët bashkëkohorë njësoj siç është ndërtuar në vitet 1938-1940.
Sipas saj, i gjithë ansambli monumental do të rikthehet në identitet e do të jetë gjurma historike e qytetarisë së Tiranës së viteve tridhjetë të shekullit të kaluar.
Postimi i plotë:
Teatri do të rindërtohet nga e para; siç ka qenë, por me të gjithë infrastrukturën dhe aksesorët bashkëkohorë, sëbashku me të gjithë kompleksin “Skanderbeg”, siç është ndërtuar në vitet 1938-1940!
I gjithë ansambli monumental do të rikthehet në identitet e do të jetë gjurma historike e qytetarisë së Tiranës së viteve tridhjetë të shekullit të kaluar. Ky është qëndrimi im, ky është premtimi im, ky është betimi im si qytetare e Tiranës që kam lindur tek shallvaret, vetëm dyqind metra larg nga Teatri Kombëtar!
